Bókasafnið í Norræna húsinu verður lokað frá mánudeginum 5. júlí til og með föstudeginum 9. júlí vegna pússningar á gólfparketi í safni og sal.

Gestir bókasafnsins eru beðnir velvirðingar á óþægindum sem geta skapast vegna þessa.  Hægt verður að skila safngögnum í skilakassa við dyrnar að bókasafninu alla dagana.

Nýlega fékk bókasafn Norræna hússins danskar matreiðslubækur fyrir börn og unglinga, sem eru þó einnig áhugaverðar fyrir mömmur og pabba. Um er að ræða Prinsessekogebogen, Børn i køkkenet, Heibergs vilde dessertcirkus og fyrir unga fólkið Mad uden mor. 

Norski rithöfundurinn Karl Ove Knausgård er væntanlegur í Norræna húsið 26. maí næstkomandi. í maí munu, auk Knausgårds, Bjarni Bjarnason rithöfundur og Soffía Auður Birgisdóttir bókmenntafræðingur taka þátt í dagskránni. Tiril Myklebost lektor í norsku við Háskóla Íslands er kynnirDagskráin hefst klukkan 20.00 og er öllum opin.

Gustav Fridolin, blaðamaður og lýðháskólakennari, fv. þingmaður, kynnir bók sína Blåsta! Nedskäringsåren som formade en generation (2009). Sigríður Ingibjörg Ingadóttir alþingiskona, starfandi formaður félags- og tryggingamálanefndar Alþingis og fulltrúi í Norðurlandaráði, ræðir við Gustav Fridolin og setur bók hans í samhengi við aðstæður hér á landi fyrir og eftir efnahagshrunið 2008. Dagskráin verður á sænsku. Allir velkomnir.

Bókmenntaverðlaun Norðurlandaráðs 2010 hlaut rithöfundurinn Sofi Oksanen frá Finnlandi fyrir bókina "Puhdistus".