Norræna húsið - Bókasafn

Viltu læra norsku, sænsku eða finnsku?

Mon, 23 Jan 2012 14:18:00 +0000

Viltu læra norsku, sænsku eða finnsku? Nú geta þeir sem eiga skírteini hjá bókasafni Norræna hússins sótt sér tungumálanámskeið beint af netinu í gegnum rafbókasíðu safnsins. Engin biðröð. Leiðbeiningar: Farðu á slóðina: http://www.elib.se/library/default_ljud.asp?lib=947 og veldu þar avancerad sök vinstra megin. Slá in ,,univerb" þar sem stendur författare og veldu språk ,,engelska". Ýttu svo á sök og þá eiga námskeiðin að birtast. Gangið þér vel!

Sögustund á norsku

Thu, 19 Jan 2012 09:17:00 +0000

Sögustund á norsku fyrir börn laugardaginn 21. janúar kl. 14 í bókasafni Norræna hússins. Lesið, sungið og spjallað saman á norsku.

Sögustundin er fyrir alla krakka sem tala og skilja norsku og foreldra þeirra.

Rafbækur um jólin

Tue, 20 Dec 2011 15:58:00 +0000

Þeir sem eiga eða fá í jólagjöf hverskonar rafbókalesara og eiga kort í bókasafni Norræna hússins geta farið inn á heimasíðu bókasafnsins (þarft ekki að koma í bókasafnið) og fundið þar mikið úrval af nýjustu bókunum á sænsku á rafrænu formi til lestrar og hlustunar. Verið velkomin milli jóla og nýárs í bókasafn Norræna hússins sem er opið kl. 12-17 frá 27-30. des.

Norræna húsið milli jóla og nýárs

Mon, 19 Dec 2011 11:47:00 +0000

Bókasafn Norræna hússins og sýningarsalir eru opin milli jóla og nýárs frá kl. 12 - 17 dagana 27.-30 desember. Verslun og skrifstofur opna að nýju 2. janúar 2012. Við bendum á að veitingastaðurinn DILL er með venjulegan opnunartíma yfir alla hátíðina. Verið velkomin í húsið í jólafríinu ykkar , við tökum fagnandi á móti ykkur.

Norsk sögustund fyrir börn

Thu, 8 Dec 2011 13:46:00 +0000

sunnudaginn 11. des. kl. 14 í bókasafni Norræna hússins.

Lesnar norskar jólasögur, sungin norsk jólalög og spjallað saman. Sögustundin er fyrir alla krakka sem tala og skilja norsku og foreldra þeirra.

Metsöluhöfundur á höfundakvöldi

Fri, 18 Nov 2011 11:56:00 +0000

Fimmtudaginn 24. nóvember kl. 19.45

Hrífandi menningarkokteill í Norræna húsinu!

Herman Lindqvist sænskur metsöluhöfundur kynnir hið merka rit sitt um Napóleon og Tríó Inga Bjarna Skúlasonar leikur jazz fyrir gesti kvöldsins. Veitingar í boði.

Sögustund á dönsku í barnahelli bóksafns Norræna hússins

Mon, 14 Nov 2011 14:45:00 +0000

Til forældre med dansktalende børn

Vi indbyder til eventyrtime i børnehulen i Nordens Hus bibliotek, lørdag d. 19. november kl 11.00.

Eventyrtimen arrangeres i samarbejde med den nordiske biblioteksuge som afholdes fra 14. til 20. november. Malene Ørnstrup Petersen, lektor i dansk, læser op af Mustafas kiosk af Jakob Martin Strid

Mustafas kiosk er en rigtig festlig bog fyldt med humør og biblioteksugens tema er i år netop ”Nordisk humor”.

Norræn bókasafnsvika 14.-20.nóv 2011

Wed, 9 Nov 2011 15:59:00 +0000

Þema Norrænnar bóksafnsviku er að þessu sinni húmor úr norðri. Dagskrá vikunnar hefst með norrænu uppistandi 11.nóvember kl. 20.00. Aðrir viðburðir á dagskrá eru t.d. hláturjóga, kvikmyndasýning, sögustund fyrir börn og margt fleira. Kynnið ykkur dagskrána.

Mellem træerne og Kære landsmænd!

Thu, 3 Nov 2011 13:11:00 +0000

Milli trjánna /Mellem Træerne,Bók Gyrðis Elíassonar sem hlaut á dögunum bókmenntaverðlaun Norðurlandaráðs, er nú fáanleg í verslun Norræna hússins í danskri þýðingu. Einnig eru verk Huldars Breiðfjörð og Þórarins Leifssonar til í danskri þýðingu.

Tomas Tranströmer fékk Nóbelsverðlaunin

Thu, 6 Oct 2011 15:07:00 +0000

Sænska ljóðskáldið Tomas Tranströmer fékk Nóbelsverðlaunin í bókmenntum í dag 6. október 2011. Fyrsta ljóðabók hans ”17 dikter” kom út 1954 og með henni vakti hann athygli og fékk mikið lof. Síðan hefur hann sent frá sér um 20 ljóðasöfn sem hafa verið þýdd á u.þ.b. 60 tungumál.

Hávamál

Thu, 6 Oct 2011 09:30:00 +0000

Sýning með myndum Kristínar Rögnu úr Hávamálum er í anddyri Norræna hússins til og með 20.nóvember. Hávamál geyma orð Óðins og skiptast í sex þætti og þann þekktasta þeirra, Gestaþátt, hefur Þórarinn Eldjárn endurort fyrir þessa bók.

Höfundakvöld með Pirkko Lindberg

Fri, 9 Sep 2011 13:07:00 +0000

Pirkko Lindberg, fædd 1942, hóf feril sinn sem rithöfundur árið 1989 með skáldsögunni Byte sem vakt athygli bæði gagnrýnenda og lesenda, bæði í Svíþjóð og Finnlandi. Sagan fékk ”J. H. Erkkopriset” sem besta frumraun höfundar 1990. Hún verður á höfundakvöldi kl. 20.00 12.september í Norræna húsinu

Finnsk sögustund í Norræna húsinu

Thu, 8 Sep 2011 15:00:00 +0000

Norræna húsið býður finnsku og finnskumælandi fólki upp á sögustund einu sinni á mánuði. Við hittumst í fyrsta sinn laugardaginn 24. september kl. 11. Við lesum fyrir börnin og kaffi á könnunni handa foreldrum. Sögustundin er ætluð fyrir börn á öllum aldri og foreldra þeirra. Allir velkomnir til að spjalla saman á finnsku!

Hver er sérstaða norrænna bókmennta? Skipta Bókmenntaverðlaun Norðurlandaráðs máli?

Thu, 8 Sep 2011 13:32:00 +0000

Þriðjudagskvöldið 13. september kl. 20 í Norræna húsinu.

Norðurlandaráð og Norræna húsið bjóða til umræðukvölds um norrænar bókmenntir. Allir velkomnir.

Bókmenntahátíð í Reykjavík 2011

Mon, 29 Aug 2011 10:36:00 +0000

Bókmenntahátíð í Reykjavík var haldin í fyrsta skipti árið 1985. Thor Vilhjálmsson rithöfundur, Einar Bragi skáld og Knut Ödegård þáverandi forstöðumaður Norræna hússins stofnuðu til hátíðarinnar og varð hún fljótt einn af helstu viðburðum íslenska bókmenntasamfélagsins.

Tvær rafbækur á viku

Thu, 9 Jun 2011 11:10:00 +0000

Nú er hægt að fá að láni tvær rafbækur á viku í gegnum heimasíðu bókasafns Norræna hússins. Frábært í fríinu!

Við opnum kl. 10 á safninu í sumar!

Wed, 8 Jun 2011 13:01:00 +0000

Sumarið er komið í bókasafn Norræna hússins. Opnum nú kl. 10 á morgnana virka daga og opið til kl. 17. Um helgar er opið frá 12-17.

Kajsa Ingemarsson á Höfundakvöldi

Wed, 25 May 2011 10:46:00 +0000

Sænski rithöfundurinn Kajsa Ingemarsson er gestur okkar á næsta höfundakvöldi. Kajsa Ingemarsson þekkt skáldkona og sjónvarpskona frá Svíþjóð en Forlagið hefur gefið út tvær af bókum hennar: Sítrónur og saffran og nýútkomna bók Allt á floti. Þórdís Gísladóttir, þýðandi Allt á Floti mun ræða við Kajsu. 1.júní kl. 20.00

Aflýst - Michel Houellebecq á Listahátíð

Tue, 24 May 2011 13:19:00 +0000

Ekki verður af komu franska rithöfundarins Michel Houllebecq til landsins í þessari viku en til stóð að hann kæmi fram hér í Norræna húsinu. Truflanir á flugumferð urðu til þess að höfundurinn hætti við komu sína að svo stöddu og því er viðburðinum aflýst.

Barnahellir og Artótek loka tímabundið

Tue, 24 May 2011 13:15:00 +0000

Barnahellir og Artótek í kjallara bókasafns Norræna hússins, eru lokuð vegna iðnaðarvinnu til fimmtudagsins 16. júní

Barnbiblioteket är stängt fram till måndagen den 16 juni.

Beðist er velvirðingar á þessum óþægindum.

Bókaverðir

Norræna húsið hlýtur viðurkenningu IBBY

Mon, 16 May 2011 09:59:00 +0000

Norræna húsið hlaut í gær, 15.maí, Vorvindaviðurkenningu IBBY á Íslandi við hátíðlega athöfn. Viðurkenningin var veitt fyrir barnastarf hússins árið um kring.Vorvindaviðurkenningar IBBY hafa verið afhentar árlega frá árinu 1987 og eiga þær
að vekja athygli á þeim fersku vindum sem blása í barnamenningunni hverju sinni.

Eva Gabrielsson á Höfundakvöldi #4

Thu, 12 May 2011 14:45:00 +0000

Sænski rithöfundurinn Eva Gabrielsson kemur fram á höfundakvöldi # 4 12.maí n.k. kl 20:00 . Hún er þekktust sem ekkja Stieg Larsson en er jafnframt höfundur nokkurra bóka sjálf og eru þær fáanlegar á bókasafni Norræna hússins. Þóra Arnórsdóttir mun ræða við hana um höfundaverk hennar.

Naja Marie Aidt gestur á Höfundakvöldi #5

Tue, 10 May 2011 14:26:00 +0000

Naja Marie Aidt fæddist árið 1963 og fyrsta bók hennar var ljóðasafnið "Så længe jeg er ung". Hún hefur skrifað 8 ljóðasöfn, 3 smásagnasöfn, kvikmyndahandrit og nokkur leikrit. Hún er mjög áberandi í sinni kynslóð danskra rithöfunda. Væntanleg neon-bók er smásagnasafnið Bavíani eftir Naju Marie Aidt. Naja Marie hlaut bókmenntaverðlaun Norðurlandaráðs árið 2008 fyrir þetta safn sem Bjartur gefur nú stoltur út, í þýðingu Ingunnar Ásdísardóttur en hún mun ræða við Naju á höfundakvöldinu 19.maí n.k. kl. 20.00

Bókamarkaður

Tue, 10 May 2011 09:13:00 +0000

Norrænar bækur til sölu á bókasafni Norræna hússins. Bókamarkaðurinn er frá laugardegi 7. maí til og með miðvikudegi 11. maí, opið frá kl. 12-17.

Skáldsögur, fræðibækur, barnabækur og ljóð ásamt geisladiskum með norskri tónlist af öllum gerðum.

Höfundakvöld #3 Bækur og garðverkin

Mon, 2 May 2011 14:43:00 +0000

5.maí kl. 20.00. Á þriðja höfundakvöldi Norræna hússins munum við fanga þennan áhuga og höfum fengið til liðs við okkur höfunda sem allir tengjast nýútkomnum og endurútgefnum bókum sem fjalla um matjurtarækt.

Rafrænar bækur í gegnum bókasafn Norræna hússins

Fri, 15 Apr 2011 12:30:00 +0000

Á ,,Bókasafnadeginum” 14. apríl bauð bókasafn Norræna hússins til merkisviðburðar. Opnað var fyrir aðgang að rafrænum bókum og hljóðbókum á sænsku í gegnum heimasíðu safnsins, fyrst almenningsbókasafna á Íslandi. Lánþegar bókasafnsins munu hvar og hvenær sem er geta hlaðið niður rafbókum á ýmis konar rafbókalesara og hlustað á ,,streymandi” hljóðbækur á sænsku í gegnum internetið. Víða á Norðurlöndunum, sérstaklega í Svíþjóð er hægt að fá lánaðar nýjar bækur á rafrænu formi í gegnum heimasíður almenningsbókasafna.

Höfundakvöld #2

Fri, 15 Apr 2011 11:22:00 +0000

Fimmtudaginn 28. apríl kl. 20 tekur Norræna húsið á móti þekktum verðlaunarithöfundi frá Færeyjum, Carl Jóhan Jensen . Höfundakvöldin snúast um höfunda eins og nafnið ber með sér en lesendur eru ekki síður mikilvægir eins og útlit viðburðarins ber með sér því hvað er höfundur án lesenda sinna? Bókelskir lestrarhestar ættu því ekki að láta Höfundakvöld í Norræna húsinu framhjá sér fara.

Hver hlýtur bókmenntaverðlaun Norðurlandaráðs í ár?

Thu, 7 Apr 2011 13:24:00 +0000

Kannski einn af höfundunum sem heimsækja okkur á höfundakvöld? Kristian Olsen Aaju, Tóroddur Poulsen og Beate Grimsrud eru öllu tilnefnd til verðlaunaanna í ár og þau koma öll fram á höfundakvöldum. Höfundakvöld Norræna hússins hefjast 14.apríl og verða reglulega til 9.júní. lesið meira og skoðið skemmtilegt myndband um höfundana sem tilnefndir eru í ár.

Skapandi snillingar 2007

Wed, 6 Apr 2011 14:51:00 +0000

Leikskólarnir í vesturbænum tóku sig saman og ákváðu að leyfa börnum sem fædd eru það skemmtilega ár 2007 að sýna hvað í þeim býr. Úr því urðu mörg mismunandi listaverk, enda 9 leikskólar sem tóku þátt og um 200 börn sem eru með í þessari sýningu. Verk barnanna verða til sýnis í Barnahellinum í Norræna húsinu dagana 12. -17. apríl. Þar er opið alla daga frá 12-17. Endilega komið og skoðið þessi frábæru listaverk sem börnin hafa búið til.

Hvað er rafbók?

Wed, 6 Apr 2011 14:40:00 +0000

Rafbók er bók sem hefur verið yfirfærð á rafrænt form þannig að hægt er að lesa textann beint af tölvu, fartölvu, síma eða sérstökum rafbókalesara. Rafræn hljóðbók spilast í gegnum internetið. Hlustað er á upplestur úr rafrænni hljóðbók af internettengdri tölvu eða síma. Hljóðbókin hleðst ekki niður á harðadiskinn. Ekki er hægt að hlusta á streymandi hljóðbók á MP3 spilara. Hægt er að taka rafbækur til láns hjá bókasafni Norræna hússins.