Pallborðsumræður í Norræna húsinu á LÓKAL-alþjóðlegri leiklistarhátíð
Alþjóðlega leiklistarhátíðin LÓKAL verður haldin í Reykjavík dagana 1. til 5. september n.k. Hátíðin er nú haldin í þriðja sinn og að þessu sinni er lögð sérstök áhersla á nýjar og spennandi leiksýningar frá Norðurlöndunum.
Að þessu tilefni verður efnt til pallborðsumræðna um norrænt samtímaleikhús í Norræna húsinu, laugardaginn 4. september, kl.13:00-15:00. Steinunn Knútsdóttir, leiklistarkona stjórnar umræðum sem þátt í taka Egill Heiðar Pálsson, leikstjóri sýningarinnar Dværgen (Teater Får 302/Kaupmannahöfn), Kari Holtan, leikstjóri Drömmen (De Utvalgte/Osló) og Jörgen Dahlqvist, dramatúrg og leikhússtjóri Teatr Weimar í Malmö.
Aðgangur er öllum opin. Boðið verður upp á léttar veitingar í lok dagskrár.
