Útgáfutónleikar-Kjós

• Thursday 8. April 2010 kl. 20.00
• Ókeypis!

Finnsku þjóðlagatónlistarmennirnir, Matti Kallio og Roope Aarnio, halda útgáfutónleika plötunnar Kjós, 8.apríl n.k. kl. 20.00.

Nýverið kom út fyrsta plata þeirra, Kjós, og var hún tekin upp hér á Íslandi í hinni gullfallegu Reynivallakirkju, síðsumars árið 2009. Lagasmíðar þeirra eru allar í frumlegum þjóðlagastíl og spila þeir á harmonikku, munnhörpu og gítar.

Matti Kallio býr um þessar mundir í Reykjavík og hefur tekið þátt í fjölbreyttum tónlistartengdum verkefnum. Hann er jafnvígur á flest hljóðfæri s.s. piano, harmoníku og flautu. Kallio er meðlimur í bestu heimstónlistarsveit Finnlands, Värttinä. Hann hefur einnig samið tónlist fyrir Borgarleikhúsið.

Roope Aarnio er einn af eftirsóttustu þjóðlagaspilurum Finnlands. Hann er sérfræðingur í strengjahljóðfærum og spilar á gítar, bouzouki og mandólín. Aarnio hefur túrað um heiminn með Norrænu þjóðlagasveitinni, Frigg, og harmoníkusnillingnum Johönnu Juhola.

Frítt er inn á tónleikana en hægt verður að kaupa plötuna, Kjós á staðnum fyrir sanngjarnt verð (munið reiðufé).