Norræna húsið - Viðburðir Allt

Pow Wow tónleikar með Northern Cree

Mon, 13 May 2013 11:28:00 +0000

Hinn heimsfrægi hópur, Northern Cree, verður með tónleika í Norræna húsinu 21.maí kl.20.00. Þá flytja þeir Pow Wow söng og sýna hringdans. Hópurinn hefur hlotið 6 grammy tilnefningar og gefið út 37 plötur. Aðgangur er ókeypis!

Volcano sirkushátíð 4.-14.júlí

Fri, 19 Apr 2013 12:37:00 +0000

Norræna húsið og Cirkus Xanti frá Noregi kynna með stolti: Volcano sirkuslistahátíð sem haldinn verður í Reykjavík 4.-14.júlí. Á hátíðinni verður rjómi sirkuslistaatriða frá Evrópu og víðar. Miðasala hefst 1.maí á midi.is

Stuttmyndasýning: Skylappjenta eftir Iram Haq

Wed, 17 Apr 2013 14:26:00 +0000

Norski rithöfundurinn, listamaðurinn og leikstjórinn Iram Haq sýnir stuttmyndina sína „Skylappjenta“ í Norræna húsinu miðvikudaginn 24. apríl kl. 16:45. Myndin er með enskum texta. Sýningin er ókeypis og öllum opin. Léttar veitingar í boði norska sendiráðsins.

Teiknað: listasmiðja

Thu, 11 Apr 2013 15:47:00 +0000

Listasmiðja föstudaginn 3. maí kl. 9-13 í Norræna húsinu á vegum listamanna sýningarinnar "Teiknað". Smiðjan er ókeypis og opin öllum, en fólk þarf að skrá sig á nh@nordice.is eða í síma 5517030.

Framboðsfundur um norræn málefni

Sat, 6 Apr 2013 13:31:00 +0000

Upplýsingaskrifstofan Norðurlönd í brennidepli og Alþjóðamálastofnun Háskóla Íslands standa að opnum framboðsfundi um norræn málefni í sal Norræna hússins miðvikudaginn 10.apríl kl. 12-13:15.

Fallegu Færeyjar; tónlist, matur og menning

Thu, 4 Apr 2013 11:34:00 +0000

6.apríl er sérstakur Færeyjadagur í Norræna húsinu. Á boðstólum verður matarsmakk frá helsta matreiðslumanni Færeyja, Leif Sörensen, tónlistaratriði og kynning á ferðamöguleikum til Færeyja. Takið þátt í leik og eigið möguleika á að vinna ferð til Færeyja!

Hlúð að lífríki friðlandsins og Tjarnarinnar

Wed, 3 Apr 2013 15:32:00 +0000

Fuglavernd hefur með Norræna húsinu ákveðið að stofna óformlegan hóp sem er kallaður “Hollvinir Tjarnarinnar”. Tilgangurinn er að virkja krafta þeirra áhugamanna sem tilbúnir eru að leggja góðu málefni lið, nefnilega að hlúa að lífríki Tjarnarinnar.

Kvikmyndasýning: Vanishing Point

Tue, 2 Apr 2013 14:40:00 +0000

Sendiráð Kanada býður til sýningu heimildamyndarinnar "Vanishing Point" miðvikudaginn 3. apríl kl. 20 í Norræna húsinu. Leikstjórarnir munu segja frá gerð myndarinnar eftir sýninguna. Mikilvægt er að skrá sig með því að senda tölvupóst á RKJVK@international.gc.ca.

Norræn kvikmyndahátíð

Wed, 20 Mar 2013 14:30:00 +0000

Norræn kvikmyndahátíð verður haldin 11.-21. apríl n.k. í Norræna húsinu. Sýndar verða nýjar og nýlegar kvikmyndir frá öllum Norðurlöndunum. Allar kvikmyndirnar eru sýndar með enskum texta og það er frítt inn á allar sýningar.

„Leikur skáldskaparins“

Fri, 15 Mar 2013 10:42:00 +0000

Annemette Hejlsted, lektor í dönskum bókmenntum við Háskóla Íslands , heldur fyrirlestur miðvikudaginn 20. mars kl.16 sem ber yfirskriftina „Fiktionens leg“. Þar mun hún fjalla um eðli og einkenni skáldskapar (fiktion) og taka dæmi úr dönskum nútímabókmenntum, kvikmyndum og sjónvarpsþáttum.

HönnunarMars 2013 í Norræna húsinu

Mon, 18 Feb 2013 10:10:00 +0000

Norræna húsið hefur tekið þátt í HönnunarMarsinum frá upphafi og í ár bjóðum við upp á sýningarnar Hið langa andartak & Láð og lögur. Smiðjan Blað skæri stóll verður á laugardegi -skráning á smiðjuna er hafin.

Blað, skæri, stóll – Listasmiðjur fyrir börn

Thu, 7 Feb 2013 11:19:00 +0000

Listasmiðjur fyrir 6-12 ára börn og foreldra þeirra. Þátttakendur búa til stól úr endurvinnanlegum pappír undir handleiðslu kennara við Myndlistaskólann í Reykjavík. Þannig öðlast fernur, eggjabakkar, pítsukassar og fleira nýtt líf í höndum barnanna. Þátttaka er ókeypis en þátttakendur þurfa að skrá sig á nh@nordice.is fyrir 15. mars. Viðburður hluti af HönnunarMars 2013

Fastelavn er mit navn!

Tue, 5 Feb 2013 11:52:00 +0000

Dansk Kvindeklub i Island indbyder igen i år til Fastelavn for danske og dansk-islandske familier og familier med relationer til Danmark.

Umbúðahönnun 2013

Wed, 30 Jan 2013 09:26:00 +0000

Oddi, Félag íslenskra teiknara (FÍT) og Norræna húsið standa að opinni hönnunarsamkeppni umbúða úr kartoni, bylgjupappír og/eða mjúku plasti. Norræna húsið veitir verðlaun fyrir umhverfisvænustu hönnunina.

Óbyggðir Austur-Grænlands

Fri, 25 Jan 2013 13:26:00 +0000

Ragnar Hauksson leiðsögumaður sem að hefur ferðast vítt og breitt um Grænland flytur myndafyrirlestur sem hann kallar:"Óbyggðir Austur-Grænlands: Frans Jósefsfjörður, Kóngs Óskarsfjörður og Scoresbysund."
Fyrirlesturinn hefst klukkan 19:30 og eru allir velkomnir.

Málþing um varðveislu og skráningu gagna er tengjast Halldóri Laxness

Fri, 25 Jan 2013 13:21:00 +0000

31. janúar 2013 frá kl. 13.00 – 16.00. Gljúfrasteinn – hús skáldsins stendur fyrir málþinginu þar sem fjallað verður um varðveislu menningararfs Halldórs Laxness. Málþingið miðar að því að kortleggja varðveislu og skráningu þessara fjölbreyttu gagna til að auðvelda miðlun og efla möguleika á frekari rannsóknum í framtíðinni.

Norsk sögustund

Fri, 25 Jan 2013 13:18:00 +0000

Sögustund á norsku fyrir börn laugardaginn 26. janúar kl. 14 í bókasafni Norræna hússins. Lesið, sungið og spjallað saman á norsku. Sögustundin er fyrir alla krakka sem tala og skilja norsku og foreldra þeirra.

Matja Steen sér um sögustundina.

Historien om krokodillen Finn

Fri, 25 Jan 2013 13:16:00 +0000

På lørdag den 26. Januar kl. 11, læser Anja Isabella historien om krokodillen Finn Herman som er beregnet for børn i alderen 3-6 år. Andre børn er selvfølgelig velkommen. Hvis der er stemning kan vi finde på at synge sammen på dansk og snakke sammen. Forældrer er meget velkommen til at putte ind deres indslag og idéer. Vi beder alle om at komme til tiden så vi kan starte ved elleve tiden

Luis Bunuel kvikmyndaröð í Norræna húsinu

Wed, 23 Jan 2013 13:22:00 +0000

Norræna húsið mun sýna fjórar kvikmyndir eftir Luis Bunuel sem allar voru teknar í Mexíkó í tengslum við ljósmyndasýninguna Tehuanas. Fyrsta myndin í röðinni, Daughter of Deceit, verður sýnd í stóra sal Norræna hússins á laugardaginn 26. janúar kl. 17, strax eftir opnun Tehuanas. Aðgangur er ókeypis, allir velkomnir.

Heimildamynd: Krýsuvík – Náttúrufórnir í fólkvangi

Wed, 9 Jan 2013 09:48:00 +0000

Krýsuvík – Náttúrufórnir í fólkvangi er heiti nýrrar fræðslu- og heimildamyndar eftir Ellert Grétarsson, náttúruljósmyndara.

Myndin verður frumsýnd í Norræna húsinu á afmælisdegi Ellerts Grétarssonar, fimmtudaginn 10. janúar kl. 20.00.

Áfram Ísland!

Wed, 9 Jan 2013 09:41:00 +0000

Hægt verður að fylgjast með eftirtöldum leikjum Íslands á HM í Norræna húsinu: 12. janúar, 15.janúar, 16.janúar , 18.janúar og svo eftir því hvernig gengið verður. Leikirnir eru sýndir í sal Norræna hússins á breiðtjaldi. Áfram Ísland

Arkitektafélag Íslands

Fri, 21 Dec 2012 13:25:00 +0000

20. desember voru kynntar niðurstöður í opinni hugmyndasamkeppni var haldin á vegum Umhverfisstofnunar í samvinnu við Arkitektafélag Íslands um umhverfi Gullfoss.

7. janúar 2013 klukkan 16,00 mun dómnefnd í samkeppninni gera grein fyrir niðurstöðum sínum og þátttakendum og öðrum sem áhuga hafa gefst þá kostur á að spyrja eða taka þátt í umræðum um niðurstöðurnar.

Að vera eða ekki vera...

Thu, 6 Dec 2012 09:53:00 +0000

9.desember kl. 20.00

Fyrirlestur í Norræna húsinu með Jóhannes Möllehave. Að fyrirlestri loknum syngur Eysteinn Pétursson fáeinar danskar skildingsvískur og leikur undir á gítar.

Jóladagatal Norræna hússins 2012

Mon, 26 Nov 2012 15:19:00 +0000

Jóladagatal Norræna hússins fer nú fram í sjötta sinn og er svo sannarlega orðin ómissandi hefð á jólunum. Dagatalið fer fram 1.-23.des kl. 12.34

GIERDU Samísk listasýning

Tue, 20 Nov 2012 13:01:00 +0000

Sýningin GIERDU opnar 6. desember kl. 17.00 og stendur til 6. janúar og er í sýningarsölum Norræna hússins.

GIERDU er verkefni sem fjallar um samíska list og þær umræður og áskoranir sem hún mætir innan ramma samtímalistarinnar.

Samskipti án ofbeldis

Tue, 20 Nov 2012 11:41:00 +0000

Irmtraud Kauschat verður með fyrirlestur um samskipti án ofbeldis (Nonviolent Communication) í Norræna húsinu 21.nóvember kl. 20.00
Samskipti án ofbeldis (NVC) byggir á viðhorfinu að beita ekki ofbeldi - náttúrulegt ástand kærleiks sem ríkir þegar hjartað er laust undan ofbeldi. Fyrirlesturinn fer fram á ensku.
Allir velkomnir.

Social Banking - Hugmynd & veruleiki

Thu, 8 Nov 2012 16:57:00 +0000

Sunnudaginn 18. nóvember mun Félag um Samfélagsbanka halda málþing "Social Banking - Hugmynd og veruleiki". Málþingið hefst kl. 15:00 í Norræna húsinu og er öllum opið.

Norræna bókasafnavikan 2012

Thu, 8 Nov 2012 14:51:00 +0000

Norræn bókavika hefst 12.nóvember og er henni ætlað að stuðla að auknum

lestri og áhuga á norrænum bókmenntum á Norðurlöndunum og nágrannasvæðum. Í ár er fagnað norrænni upplestrarhefð, frásagnalist og bókmenntum. Yfir 100 almennings- og skólabókasöfn á Íslandi taka þátt í norrænu vikunni. Dagskrá bókasafna má sjá: http://bokmenntaborgin.is/

August Strindberg í Norræna húsinu, 3. og 10. desember

Wed, 31 Oct 2012 12:19:00 +0000

Í ár er liðin öld frá því að sænski skáldjöfurinn August Strindberg (1849-1912) lést. Af þessu tilefni er tvískipt dagskrá til heiðurs Strindberg í Norræna húsinu. Eitt þekktasta leikrit Strindbergs, Dauðadansinn, verður leiklesið og sýnd verður dagskrá með brotum úr verkum skáldsins undir yfirskriftinni „Minn eldur er sá stærsti“.

Málþing um lýsingarhönnun og byggingarlist

Mon, 22 Oct 2012 14:53:00 +0000

Laugardaginn 27. október kl. 13-15
Málþingið veltir upp spurningum á borð við hvaða áhrif hefur rafljósavæðingin haft á byggingarlistina? Er lýsingarhönnun hluti byggingarlistar eða er hún sérstakt fag? Getur lýsingarhönnun verið sérstakur tjáningarmiðill? Er myrkrið mikilvægt?