Viðburðir Tónleikar

Klassík í Vatnsmýrinni

Wednesday 24. March 2010

Thursday 10. June 2010 - Saturday 12. June 2010

Wednesday 22. September 2010

Wednesday 20. October 2010

Klassík í Vatnsmýrinni í Norræna húsinu 2010

"Gestir frá Ítalíu"

Miðvikudagskvöldið 24. mars kl. 20:00 fer kammertónleikaröð Félags íslenskra tónlistarmanna í samvinnu við Norræna húsið af stað öðru sinni. Flytjendur á þessum fyrstu tónleikum starfsársins verða ítölsku tónlistarmennirnir Natalia Benedetti á klarinett og Sebastiano Brusco á píanó. Þau munu flytja efnisskrá með vinsælum meistaraverkum fyrir klarinett og píanó. Aðgangseyrir á tónleikana er 1.500 kr. Ókeypis aðgangur fyrir alla undir 21 árs.

“Gestir frá Ítalíu” 24. mars kl. 20.00

Sebastiano Brusco er virtur píanóleikari í heimalandi sínu og kemur reglulega fram á tónleikum víða um heim. Hann hefur unnið til alþjóðlegra verðlauna, komið fram sem einleikari með hljómsveitum, t.d.Sinfóníuhljómsveitinni í Mílano og I Solisti Veneti. Sebastiano hefur frumflutt verk eftir Milhaud, Gould, Tossati o.fl. Hann er meðlimur Bernini kvartettsins í Róm og vinnur náið með rússneska fiðluleikaranum Vadim Brodsky.

Natalia Benedetti hefur unnið til fjölda verðlauna fyrir leik sinn í heimalandi sínu en hún lauk námi í klarinettleik með hæstu einkunn árið 2005 frá Tónlistarháskólanum í Perugia. Henni hefur verið boðið að koma fram á tónlistarhátíðum svo sem Feneyjatvíæringnum, Spoleto og Edinborgarhátíðinni. Á Elliot Carter hátíðinni í Feneyjum 2008 lék hún m.a. með Ursulu og Heinz Holliger. Natalía er listrænn stjórnandi tveggja tónlistarhátíða í Bevagna.

Sebastiano Brusco og Natalia Benedetti hafa starfað saman um nokkurt skeið á alþjóðlegum vettvangi.

Efnisskrá tónleikanna 24. mars:

Camille Saint- Saëns: Sónata fyrir klarinett og píanó op. 167 (1921)

Allegretto

Allegro animato

Lento

Molto allegro

Robert Schumann Fantasiestücke op. 73 (1837)

Zart und mit Ausdruck

Lebhaft,leicht

Rasch und mit Feuer

Francis Poulenc: Sónata fyrir klarinett og píanó (1962)

Allegretto

Romanza

Allegro con fuoco

Leonard Bernstein: Sónata fyrir klarinett og píanó (1941-42)

Grazioso

Andantino-vivace e leggiero.

Um tónleikaröðina

Um tónleikaröðina

Klassík í Vatnsmýrinni er tónleikaröð Félags íslenskra tónlistarmanna í samvinnu við Norræna húsið með áherslu á norrænt og alþjóðlegt samstarf. Markmiðið með tónleikaröðinni er að gefa áheyrendum tækifæri til að hlýða á fyrsta flokks innlenda og erlenda listamenn með áherslu á “einleikarann” annars vegar og “kammertónlist” hins vegar. Til ánægjuauka fjalla flytjendur um efniskrána á tónleikunum.

Tónleikar þessir eru að jafnaði á miðvikudagskvöldum. Í ár er innan vébanda tónleikaraðarinnar haldin norræn tónlistarhátíð dagana 10.-12. júní í tilefni af 70 ára afmæli FÍT.

Starfsárið 2010 býður upp á tónleika með erlendum einleikurum í samvinnu við norræn einleikarafélög, ítalska tónleikahaldara og með íslensku listafólki úr röðum félagsmanna. Aðgangseyrir á tónleikana er 1.500 kr og er sérstaklega hvatt til aðsóknar ungs fólks með því að veita öllum undir 21 árs aldri ókeypis aðgang að tónleikunum.

Stjórn tónleikaraðarinnar sér um framkvæmd og skipulagningu auk listrænnar stjórnunar. Tónleikastjórn skipa: Sigurður Bragason, Guðrún Sigríður Birgisdóttir og Jón Sigurðsson.

Klassík í Vatnsmýrinni

í Norræna húsinu 2010

Dagskrá 2010

Aðrir tónleikar á starfsársinu:

“Suður mætir Norðri” - Norræn tónlistarhátíð 10. – 12. júní

í samstarfi við Nordisk solistråd með styrk frá Norrænu menningargáttinni

Fimmtudagur 10. júní kl. 20:00

Föstudagur 11. júní kl. 20:00

“NordSol” tónleikar

Einleikarar frá Norðurlöndum

Laugardagur 12. júní kl. 16:00

“Tangó tekur völdin”

Tónleikar úr smiðju Olivier Manoury

Miðvikudagur 22. september kl. 20:00

“Strengleikar”

Laufey Sigurðardóttir, fiðla

Elísabet Waage, harpa

Miðvikudagur 20. október kl. 20:00

“Hrosshár í strengjum...”

Hlíf Sigurjónsdóttir, fiðla

Dagatal